Ka seiñ FKJGP Khliehriat Circle ynne ka sngi da e dorkhat ko ha u Deputy Commissioner ka East Jaiñtia Hills heiyatoh i thut i lai i wan ki bru neidaw wa em ki truck wa pynhiar mar ha u sarok ha Khliehriat wa Lad Rymbai wa ha tymbud u sarokbah NH-6.
Ka seiñ da ong ko wa hadooh katni ym em ka hukum wow khoom u kdoh namo wow booh ya i por wow pynhiar mar ki truck wa kiwi ki jait kari heiwa katni da em kiwa pynyieñ kari harood sarok wa ha luti lai-kjat iwa da pynthut bha ya ki paidbah.
Da ong ko leh wa ini i rukom pynyieñ kari da booh i hei maa ya ki paidbah wa lai wa wan.
Hajrong ini waroh ka seiñ da kyntu ko wow khang noh ya ki kari kit mar wow pynhiar mar ki ha sarok kam ha Khliehriat wa Lad Rymbai wa u sarokbah NH-6 nadooh 7:00 waje i step hadooh 8:00 i waje miet wei wym toh u chah ya ki wow pynyieñ palat ya ini i por neibymta i bha i miat ki paidbah.
Kamtæ da kyntu ya u DC wow pynmih smat ya kani ka hukum.
