Booh dorkhat ka seiñ kiwa sikai SSA na ri-loom Garo hei yatoh wow pynku tulop ya ki

Shillong: Ka All Garo Hills SSA LP & UP School Teachers’ Association, East Zone, Williamnagar da booh dorkhat ko ha u Dr. Mukul Sangma neidaw wa duna ka tulop ki na iwa kular ya ki da ka sorkar.

Ka seiñ da ong ko wa katkam ki kyndon ka Sarva Shiksha Abhiyan PAB, 2016-2017 i pynku tulop toh T. 19,044 chi bnai ya kiwa sikai Lower Primary School katwa ya kiwa sikai Upper Primary School won T. 20,493.

Tangwa ka tnat puræ puthi ka jylla Meghalya State Mission Authority (SSA) won da su tulop ko T. 13,335 ya kiwa sikai Lower Primary School katwa ya kiwa sikai Upper Primary School won da su T. 14,392 chi bnai.

Kiwa sikai da ong ki wa ym ye u pdiang yeini wei man ko leh i leh stiñ ka sorkar ya kiwa sikai heiwa toh u su tulop katkam i kaam wa kreh ki.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da kyntu ki ya ka sorkar leh wow pait ki ya kiwa sikai 4^th Teachers kiwa yoh tulop T. 6000 chi bnai wei ki leh deilang wa kiwa sikai ha ki LP wa UP School toh u pynku tulop ya ki.

Ha ka dorkhat da ong leh wa ki D.EL.Ed Study Center ha ki kattu katni ki thaw ym em krehkaam ki iwa ktah ya kiwa sikai kiwa kwah u pynbniah ya i sap sikai yong ki yow yoh ki leh ya ka tulop wa da pynku ka sorkar. Yeini da dep booh dorkhat ki leh ha ka montri ka puræ puthi tangwa ym em leh ko iyi iyi.