Jowai : Ka seiñ WJNC da e ko ya ka Dorkhat ha u DC ka West Jaiñtia Hills hei yatoh wa i khynnia u sarok heipor 9 waje i miet nadooh na Ynñiawmer hadooh ha Jowai.
Ha ka dorkhat ka seiñ da ong ko wa neidaw ka ujor na ki paidbah wa sah block ki hadooh 2 næ 3 kynta ha ki bynta ka Soomer hadooh Mihmyntdu wa yah khlem akor ware ki truck 12 chaka wei i yaknieh pass ki truck da pynman ko yeini i sah block awjan manka miet.
Ka seiñ da maham joor ko ya kini ki truck ki wym pyrkhat de wot ya ki kari Ambulance wa ki kari samen kiwa lai lyngba u sarok NH 44.
Kamtæ ka seiñ da kyrpad joor ko ya u DC wow chimkhia yeini neibynta wow suk ki paidbah wa lai wa wan, wei neiliang yong oo leh da kular u wow chimkhia yeini i kaam.
Da kyntu ko leh ya ki paidbah wow yakrehlang neibynta i bha i miat.
Kani toh katkam ka khubor u Publicity ka seiñ WJNC CB u Hoping Son Phawa.
Discussion about this post