Jowai: Ka Dorbar Chnong Tuber Kmaishnong katkam ka yalang wa pynman ka chnong ha ka 18-01-18 da chim ko ya ka rai hei yatoh i rukom yalap Election hapoh ka chnong.
Ka rai toh wa ha uni u snem wow pynman ya ka yalap Election ha ka jooh ka sngi ha i jooh i thaw namo daka Common Platform ya waroh ki kyrtong ki wow yieñ yaleh Election ha kani ka kynti.
Ka chnong da rai ko leh wym chah u tem sur Election, u rah lama khlem yurim hapoh ka chnong ka thaw.
Ya kani ka Common Platform u pynman ha ka 16 tarik hapoh ka chnong heiwa da kyntu ya ki kyrtong wow man ki kiwa yakrehlang wa ka chnong.
Kani toh katkam wa pyntip u Waheh Chong ka Tuber Kmaishnong u Graham Lyngdoh.
Discussion about this post