Ka DRDO da booh ko ya ka COVID-19 Testing Facility ha Leh wa ka Laboratory yong ka kawa tip kam ka Laboratory Defence Institute of High Altitude Research (DIHAR) wow pynkhlan yei bor wow Test ya uni u khñiang ha Union Territory of Ladakh.
Kani ka thaw daw pait ko leh yei man i long ki bru wa chah ktah ha u COVID-19 deiwa bood ya ki kyndon ka Indian Council of Medical Research (ICMR).
Ya kani ka thaw da wai da u Lieutenant Governor of Ladakh, u RK Mathur ynnin ka 22 tarik.
Kani ka thaw ka DIHAR ye ko wow sylli (Test) hadooh 50 tylli ki Sample ha ka chi sngi.
U Mathur da yaroh u yei embynta ka DRDO ha i yakhun ya u COVID-19 deiwa e khublei leh ya u Dr. G. Satheesh Reddy, Secretary, Department of Defence R&D & Chairman DRDO kiwa da pyntikna wa krehkaam kani ka thaw ha DIHAR dei yooluti wa kani ka thaw daw yarap bha ko ya kiwa yoh khñiang.
U Lieutenant Governor da lai pait u leh ya kani ka thaw.
Ha kani ka sngi da emlang u Dr. OP Chaurasia Director DIHAR, Brig. JB Singh Commandant, Dr. Padma Gurmet Director NRISR, Leh, Dr. Mutup Dorjey CMO wa kiwi kiwi.
Ka DIHAR man ko leh kawi na ki Laboratory ka DRDO ka wakreh ha kiwa boon bynta nadooh i chna tiar wa kiwi kiwi.
