Ka Federation of Khasi Jaiñtia and Garo People – Jaiñtia Hills (FKJGP) da kyntu ko ya ki paidbah wow man ki kiwa syndong wei kiwa husiar heiyatoh wa u COVID-19 khnang wow lait u wow poor.
Da kyntu ko ya kiwi ki seiñbhalang ryngkat ki Dorbar Chnong wow kreh lang chirup wow paitsiar ya ki bru wa wan na baar khamtam ki khynnah puræ.
Ka seiñ da ong ko wa ka man ko kawa smat wow krehlang wa ka sorkar wei katkam wa man kattæ ki bru kiwa leh ya ki sylli ym em u sap mask ki.
Wot hadooh ki thaw sumaar kam ki CHC/PHC ym em tiar ki wow sylli (Test) kammon hi u ye wow yada na uni u khñiang? Da kylli ka seiñ.
Kamtæ ka seiñ da kyrpaad ko naka sorkar wow pynbiang smat ya ki tiar wa emkaam khnang wow yada na uni u khñiang.
Da kyntu ko leh ya ka sorkar wow paitsiar bha ya ki thaw khappood wa yoh ki bru na baar wow psiah u mih.
Heijooh i por da dawa ko na ka sorkar jylla wow pynbiang noh ya ka bai nongsngi ki bru wa khih mylla kiwa da dooh khih ha kini ki por.
Khaddooh da kyntu ko ya ka sorkar wow pynbiang wei wow pait yei emkaam ya ki mar baam ki paidbah. Kani man ko katkam ka Wyrta na u President Ka FKJGP Jaiñtia Hills, u Tuesday Lytep.
Discussion about this post