Kam chibynta ka hukum u DC ka West Jaiñtia Hills District wa pynmih ynnin ka sngi wow wai 20% ki dukan dukdoh wa em ha kylleiñ ki yaw kam ha yaw Chor, ka yaw chyiap wa Iawmusiang; ynne ka sngi ka Dorbar Chnong Ladthadlaboh leh kam chimbynta wow pynkhreh ya ini wow wai ki dukan ha ki le sngi chi tayaw kiwa kynthup ya ka Monday, Wednesday wa Friday da lai ko wow booh jar jiar ka pali.
Ynne ka dorbar chnong da lai biang ko da ki Number 1,2,3,4,5,6 ha ki dukan heiwa ki Number 1 wa 4 u wai ki ha ka Monday, 2 wa u 5 ha ka Wednesday katwa kiwa yoh ya u 3 wa u 6 u wai ki ha ka sngi Friday iwa man leh katkam i hukum u DC.
Hawa yaklam wa u waheh chnong ka Ladthadlaboh, u LD Lakiang da kyntu u ya ki tre dukan wow wai ki katkam ka pali ki dukan yong ki deiwa bood leh ya ki kyndon wa da booh ka sorkar lyngba ka chnat i chait i khiah heiyatoh wa ka khlam COVID-19.
Chooh chooh da kyntu u wa lada em ki tre dukan wa dadep chim tika wow wah ki ya ka Certificate wa yoh ki ha ki dukan yong ki.
