U Montri ka chnat Railways ka sorkar, u Ashwini Vaishnaw hawa yaklam wa kiwa thoh khubor ka thaaiñ North East lyngba ka Internet da khana u chaphang ka Railway Budget 2024-25 deiwa ong wa ka thong ka sorkar toh wow pynthymme katkam ka juk wa katni kamjooh wow pynboon yei em ki luti rel ha ka thaaiñ North East iwa man leh katkam wa da booh hapoh ka Act East Policy.
Da ong u wa ha kani ka mang tangka, da booh Rs. 2,62,200 klur yow pynlut yeiwa emkaam hapoh ka chnat Railways wei na kani da booh Rs. 10,376 klur neibynta ka thaaiñ North East iwa man san chah hawa kheiñ nadooh u snem 2009-14.
Da khana u leh wa dadep wow booh Rs. 74,972 klur neibynta ki 18 tylli ki kreh kiwa dang lai chakhmat yoh siang 1,368 Km ki luti rel.
Ka thong leh toh wow siang 173 Km ki luti rel wa thymme ha chi snem iwa da ku bha hawa nujor ha u snem 2009-14 heiwa da siang du 67 Km chi snem.
Kiwi de ki thong toh wow pynlai dei bor bordiñ ya 142 Km i luti rel i wym jooh em leh nachwa chwa u 2014 wei wow pynkylla ya 60 tylli ki Station kam ki Amrit Station kiwa man kamni ha wah:
Arunachal Pradesh (1): Naharlagun (Itanagar)
Assam (50) : Amguri, Arunachal, Chaparmukh, Dhemaji, Dhubri, Dibrugarh, Diphu, Duliajan, Fakiragram Jn., Gauripur, Gohpur, Golaghat, Gosai gaon hat, Guwahati, Haibargaon, Harmuti, Hojai, Jagi Road, Jorhat Town, Kamakhya Jn, Kokrajhar, Lanka, Ledo, Lumding Jn, Majbat, Makum Jn, Margherita, Mariani Jn, Murkongselek, Naharkatiya, Nalbari, Namrup, Narangi, New Bongaigaon Jn, New Haflong, New Karimganj Jn, New Tinsukia Jn, North Lakhimpur, Pathshala, Rangapara North Jn, Rangiya Jn, Sarupathar, Sibsagar Town, Silapathar, Silchar, Simaluguri, Tangla, Tinsukia, Udalguri, Viswanath Chariali
Manipur (1): Imphal
Meghalaya (1): Mendi Pathar
Mizoram (1): Sairang (Aizawl)
Nagaland (1): Dimapur
Sikkim (1): Rangpo
Tripura (4): Agartala, Dharmanagar, Kumarghat, Udaipu
Da booh thong leh wow chna 470 tylli ki Rail Flyover wa ki Under-Bridges nadooh u snem 2014.
Discussion about this post