Ynnin ka sngi ka 2 tarik, ka seiñ Hynñiewtrep Youth Council (HYC) Narpuh Circle hapoh i yahkhmat u Publicity Secretary u Pyndap Syiemlieh da lai pait ki ya ki Truck Dumper wa kit moochuni hapoh ka thaaiñ heiwa da chem wa boon du kiwa kit palatpood suda namo kiwa Overload wei khlem da tymmoh tarpal tang kawi leh,
Da ong wa kini ki kari wa kit moochuni khamtam kiwa kit cha ki karkhana pynmih khyndaw bilat namo ki Cement Plant da booh ki hei maa hadooh kattæ kattæ ya ki paitbah kiwa la ha chilynter u sarokbah NH-06.
Ka seiñ da ong ko wa da chem leh wa em ki moo na ki por cha ki por cha ki por kiwa haap neidaw wym tymmoh tarpal wei kamjooh da lyngngoh ka seiñ wa kammon leh ka aiñ heiyatoh wa ini, deiwa kylli wa ha waroh ki kari Truck Dumper ym em jooh em booh ki leh ya u Number Plate nadien.
Hajrong ini, ka seiñ da ong ko wa lada jia wa em i ya tyrrah kari kammon u tip yei Number kari wei ini da booh ko yei maa sakhiat ya kiwa lai luti ha sarok. Kamtæ neiliang ka seiñ da kyntu joor ko ya ki bor yong ka aiñ wow sñiawbha u chimkhia ya ini i kaam lada ka aiñ ym bna ko, ka seiñ daw leh ko ya iwa emkaam.
