Ka Balang Presbyterian Nangbah da pynmih ko ya ki kyndon wa i pynbna paidbah heiyatoh wa ka yaseiñ Synod yong ka K.J.P Synod Mihngi kawa arphaw ka wow man ha ka Balang Presbyterian Nangbah, West Jaiñtia Hills District nadooh ka 16 hadooh ka 19 tarik uni u bnai.
Heiyatoh wa ka 19 tarik kawa man ka sngi wa kongsan i por man yaseiñ man i kamni ha wah:
Ha ka yaseiñ 10:30 i step daw yoh i yalap na u Rev. H.S. Dan.
Ha ka yaseiñ 1:30 i sngi u yoh i yalap na u Rev. G.P. L. Gadew
Ha ka yaseiñ 7:00 waje i miet daw yoh i yalap na u Rev. (Dr) M.J. Hynniewta hajrong ka phang kawa ong “Ka Balang ka angkor u Blei ba neh den bad ba skhem” kawa da pynchong yurim na Hebru 6:19 na ka ktien u Blai.
Ki sarok wa ki thaw pynyieñ kari neibynta kani ka Yaseiñ Synod man ki kamni hawah:
Soomer Nangbah- Ha Madan Iarain
Mukhla Nangbah- Ha Madan Loom Bangla
Nartiang Nangbah- Ha Madan Loom Bangla
Kyndong Tuber Nangbah- Madan Balang wa Madan Yadaw Rong ka chnong Nangbah.
Ki kari kiwa wan yaseiñ da kyrpaad ya ki wa ymtoh u jhan ki næ wow knieh pali kulmar khnang wow lait nei jia wa sñiawsih.
Da kyrpaad leh ya kiwa wan yaseiñ wow bood ki ya kini ki kyndon.
Heijooh i por ym chah ya ki bru wow dai cha dai ja ha ki rood sarok næ hapoh thaw pynyieñ kari, lait noh kiwa dai marbaam khutia wa ka Balang da pynbait ko hapoh jar jiar ki thaw pynyieñ kari deiwa sñiawthooh wa ki Volunteer Traffic.
Kani toh katkam ka Wyrta na u T.Bn. E.S. Shylla, uwa man u Secretary ka Nangbah Presbyterian Church.
