Booh kyndon ka sorkar jylla yei khia ki muna skur ki khynnah

Jowai: Yow wanrah yei duna i khia ki muna skur ki khynnah, neiliang ka sorkar jylla da pynmih hukum ko wow pynduna noh yei boon ki kot ki sla wow kit ki khynnah skur.

Katkam ka hukum wa pynmih da ka chnat puræ puthi deiwa pyrkhat yei chait i khiah ki khynnah da pynmih ya ki kyndon wa ym toh u e Homework pyllat ya iwa da booh da ka MBOSE/ICSE/CBSE, wei ya kiwa puræ Class I wa Class II ym toh u e Homework ya ki.

I khia ki muna skur kiwa puræ Class I-Class II ym toh u pyllat ko ya 1.5 Kg.

Kiwa puræ Class II hadooh Class V ym toh u khia ko palat ya 3 Kg.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kiwa puræ Class VI hadooh Class VII ym toh u khia ko palat ya 4 Kg.

Kiwa puræ Class VIII hadooh Class IX ym toh u khia palat 4.5 Kg.

Ya kiwa puræ Class X ym toh u khia palat 5 Kg.

Ym chah leh wow pynbor ya ki khynnah wow rah ki ya ki kot wa ym toh u rah ki wa kiwi kiwi ki tiar ki tar wei ki toh u rah ya ki kot wa man katkam ka Timetable.

Kiwa pynlai ya ki skur toh u chna ki ya ki Timetable heitæ i rukom ym man ko wow hap rah ware boon tylli ki kot.

Heiyatoh won wa ki kot ki sla wa em hapoh Library toh u pynchlur ya ki khynnah wow puræ ki kamjooh wow chimbynta ha ki yakehke Games and Sports.