Ka sorkar jylla lyngba ka chnat Political Department ha ka hukum wa pynmih katkam ka chithi No.POL.75/2020/ Pt1 /58 wa pynmih ha ka 14 tarik uni u bnai da chah ko ya ki Cyber Cafe wow krehkaam biang ki nadooh ka 20 tarik uni u bnai tangwa deiwa bood ya ki Standard Operating Procedure (SOP) wa pynmih da ka Information Technology & Communication Department.
Ki SOP wa da booh ya ki Cyber Cafe hapoh ka jylla man ki kamni hawah:
Waroh ki Cyber Cafe wa da tipmit (Registered) wa ka yung krehkaam ki Deputy Commissioner ki District toh u wai ki katkam ki sngi wa da booh da ki Deputy Commissioner.
Ki tre wa kiwa pynlai ya ki Cyber Cafe toh u pyntip ki ya ki Waheh Chnong, Dolloi, ki Nokma heiyatoh wow wai biang ya ki Cyber Cafe katkam i por wa da booh.
Kiwa pynlai ya ki Cyber Cafe toh u pyntikna ki wa krehkaam ka Social Distancing wow jngai iwi na iwi kamwa 6 Feet wei wow pynlait nei khynñia ha ki Cyber Cafe.
Deiwa kheiñ ya i thaw ka Cyber Cafe, ki tre dukan wa kiwa pynlai ya ki toh u pynduna ki yei em bru wa psiah chapoh kini ki dukan.
Ymtoh u chah ya ki bru wow psiah hapoh ki Cyber Cafe khlem sap Mask, kiwa toh u tymmoh yei khmut wei ktien.
Toh u booh ya ki Hand-sanitizer hei thaw psiah cha ki Cyber Cafe khnang wow yoh kiwa psiah u sait-kti.
Ha ki thaw ka Cyber Cafe, ya ki Desktop Computer, Keyboard & Mouse, ki miej, chuki, dwar, ki khian dwar, ki pyrda wa kiwi kiwi toh u pynkhooid (Sanitize) kamwa 3 sien chi sngi.
Toh u pynemkaam ya ki sap-kti hawa su poisa ha kiwon kiwon ki Cyber Cafe, wei ymtoh u chim ya ka poisa du dei kti khlem da sap yaki Glove.
Toh u booh ya ki sabon sait-kti wa ka um ha ki Cyber Cafe.
Ki tre wa kiwa pynlai ya ki Cafe toh u deiñ Mask wei u sap sap-kti ki ha waroh ki por.
Ya kani ka hukum da soi da u M. R. Synrem, uwa man kam u Commissioner & Secretary to the Govt. of Meghalaya cha ka chnat Information Technology & Communications Department.
