Booh kyndon ka VDP Shangpung Pohshnong hei yatoh wa ka Election

Jowai: Ka Village Defense Party (VDP) ka Dorbar Chnong Shangpung Pohshnong da pynmih ko ya ki kyndon ynne ka sngi hei yatoh wa ka yalap Election hapoh ka chnong deiwa ong wa ym chah de ko wow wan ki kari kiwa ymtoh na ka chnong Shangpung Pohshnong palat yei por 10 waje i miet kawa da pait da ka VDP ka chnong.

I leh ya ini toh wow pynduna ya i jia wa sñiawsih hapoh ka chnong ka thaw khamtam ha kini ki por Election wa da chongchit ki paidbah boi lada em i bakla ka klam ka ong wei ye leh u mih ka yachoh yadat.

Ka VDP da maham ko ya kiwa leh tam ya kani ka kyndon wa da booh wei lada em wa jia i sñiawsih ya ki, ka VDP ym ye ko u kitkhlieh wei lada em wa poi palat yei por wa da booh u phah hajir ya ki haka Dorbar yow leh katkam ka aiñ.