Khliehriat: U Deputy Commissioner, East Jaiñtia Hills District, Khliehriat da e wyrta paidbah u deiwa ong wa da yoh boon ki ujor hajrong i dooh yei mynsien bru ha i ngam i um ha ki wah, wa i lang um ha ki thaw mih khih moo, ki thlu mooyong wa da ieh ha kiwa boon ki thaw hapoh ka District.
Kamtæ ki bor District deiwa chimkhia yeini wei yei chngaaiñ ya kiwa lai luti, kiwa uiñke suwari, ki khynnah wa kiwi kiwi da rai ki wow booh noh da ki kyndon wow yada yei mynsien bru.
Ki heh ka District da rai ki wa waroh ki bru samen, ki Company, ki chnat sorkar wa kiwi kiwi toh u pynyieñ ki ya ki Signboard wow maham ya kiwa lai wa kiwa sum ha kini ki thaw wei wow booh ya ki khilon wow sylli namo ki khyrdop wow khang wow lai lyngba.
Wow pynchlur wa kiwon kiwon kiwa kwah u lai uiñke toh u yohbor na ki tre thaw, ki karkhana namo Company, ki bor chnong, ki chnat sorkar wa kiwi kiwi heiwa daw em ki bru ki wow synraan ya ki yow lait na ki thaw wa maa wei wow kær ya ki thaw kiwa da ieh kam ki thlu mooyong, wa kiwi ki thaw wa chong um.
Da phah leh ya ka Coal Miners Association wow hukum ko ya waroh ki dkhot yong ka wow bood ki ya kini ki kyndon kamjooh leh ya ki waheh chnong wow pyntikna wa da kær ya ki thlu mooyong wa ki thlu-um (bore well) wa da ieh, wei wow pynche paidbah khamtam ya ki khynnah wow kiar ki wow lai kam cha kini ki thaw wa ma.
Discussion about this post