Neidaw wa poor u khñiang COVID-19 wei khamtam wow khang yei poor uni u khñiang khlam kam ha kini ki por wa daw sdang ka lehniam Puja katwa kamtæ da kyntu ya ki bru wa em palat 65 snem i rta wa kiwa em chitom, ki kynthai wa pun-khon kamjooh leh ki khynnah kiwa hapoh 10 snem wow chong ki ha yung wei wow kiar ki u lai cha ki thaw paidbah kamjooh leh wow lai cha ki thaw wa booh ya ki Puja Pandals wei wow bood ya ki kyndon wa da booh ka sorkar neipor cheipor.
Da kyntu leh ya ki bru wow jngai ki iwi na iwi wei wow sap Mask ki heipor wa chimbynta ki ha ki kaam puja kamjooh leh wow sait ya ki kti ki dei langær wa kiwi kiwi.
Neiliang ki Puja Committee toh u pyntikna ki wa em ki Volunteer dei langær ha ki Pandal khnang wow pyntikna wa ya jngai ki bru, wow sap Mask ki kamjooh leh wow pyntikna wa da bood thik ya ki kyndon wa da booh ka sorkar.
Heiyatoh wei wow pyn-ngam um ya ki blai toh u em du 15 ngut donhi weiwa daw chah sa ya ki 5 ngut donhi wow pyndep ya ki kaam niam weiwa ym chah bru wow em ki ha kini ki thaw wei wow leh ya ini du ha ki thaw wa da jied.
Da kyntu leh ya ki paidbah wow kiar ki u lai u wan hapyrdi ki chnong namo ki dong kamjooh leh i yalang paidbah.
Da khang ya ki bru wa chah ktah ha u COVID-19 kamjooh leh ya ki High-Risk wow wan ki cha ki Pandal namo wow mih u lai u wan ki wei lada em kiwa leh pyrchah daw pynchitom ya ki katkam ki kyndon ka aiñ.
Heijooh i por da kyntu ya ki bru wow kiar ki nei yalang paidbah boon ngut ha kiwon kiwon ki thaw wei kiwa leh pyrchah daw pynchitom ya ki katkam ki kyndon ka aiñ.
