Booh kyndon thymme ka Panaliar hadien wa rai u pynman Isolation Ward ya ka MCH

Ka Dorbar Chnong Panaliar ynne hadien wa da chong ko ya ka yalang wa kyrpang wei khamtam hadien wa da rai wow pynman ya ka thaw sumaar ki manbei wa khynnah namo ka Maternity & Children Hospital (MCH) kam ka Isolation Ward, da chim ko ya ki rai wa khor heiyatoh wa i yada wei wow yakhun pyrchah ya ka khlam u COVID-19.

Ka chnong da rai ko wow khang pyrchah ya kiwon kiwon ki bru na baar ka chnong wow psiah chapoh u pood u ang ka chnong.

Ya ki kari wa lai lyngba ka chnong leh daw sylli ya ki wei emkaam wow yoh ki ya ki Curfew Pass.

Chooh chooh ka chnong da ong ko wa ki bru wa em hapoh kini ki kari toh u pynsakhiat ki yei kaam yong ki namo wow pynyoo ya ki ID yong ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da khang pyrchah ya ki tre chnong wym hoi de u mih u lai u wan ki, lait noh du ha ki sngi wow wai ya ki dukan dai mar baam hapoh ka chnong wei kam ha kini ki sngi emkaam bha wow jngai ki iwi na iwi namo ka Social Distancing.

Lada em kiwon kiwon kiwa leh pyrchah daw kem wei daw ekti noh ya ki cha ki bor ka aiñ neibhah wot hadooh ki bor pulit leh daw em ki ha ki thaw wow psiah chapoh u pood ka chnong.

Da khang pyrchah ya ki khon ka chnong wa ymhoi de wow chong ki cha rood sarok lada hei sngi namo i miet.

Katwa kamtæ neiliang u Secretary ka chnong, u Careme Phawa da kyntu u ya waroh wow bood ya kini ki kyndon wa da booh ka chnong.