U Montri Rangbah ka jylla, u Conrad K. Sangma ha ka 13 tarik uni u bnai da booh u ya u mooyurim ka yung krehkaam ka Williamnagar Municipal Board deiwa emlang u MLA ka thaaiñ uwa man leh kam u Government Chief Whip, u Marcuise N. Marak ha ka yalang wa pynman ha Williamnagar, East Garo Hills District.
Kani ka yung krehkaam toh kawa daw chna ha Soil Bazar Williamnagar.
Hawa e yei klam, u Conrad da pynsñiaw u yei sñiawkmen wa ini i kaam wa da sah da slem kattu da mandur i.
Da kyntu u leh ya u Contractor wow pynemkaam hok ya ka poisa hawa chna ya kani ka yung krehkaam ka Municipal.
Da ong u leh wa manda dep u chna ya kani ka yung daw man ko i kyrkhu ya ka khayi pateiñ wei daw wanrah ko leh chiboon ki laad yoh kreh ya ki khynroo khyllood kamjooh ki SHG wow leh yei kaam yong ki.
Da e khublei u leh ya u MLA wa ya u Chairman ka Municipal Board yei booddien tista ki ya ini i kaam.
Da chim u leh ya ka kabu wow khana ya kiwa boon ki kaam wa da leh ka sorkar kam yei pynku kyrdan ya ka sarok Nengkra Williamnagar, ka Williamnagar Water Supply Project kiwa da lai chakhmat hei wow pynlait poisa wa kiwi kiwi de ki kaam.
