Ka Seiñtyllilang Village Organisation, Moolang da leh warom ko ya ka lyngkhooh dap ar snem deiwa booh mooyurim ya ka yung krehkaam yong ka hi ha ka 19 tarik uni u bnai wa da wan wai da u Kyrmen Shylla, Montri ka chnat Social Welfare kam u kongsan deiwa emlang u Kevin Slong, District Management Manager ka MSRLS/NRLM kam u symbood kongsan, u Chanlang Lyngdoh, Chief Operative Officer, u Deputy CEM ka JHADC, u Lasky Rymbai, u Finelyness Bareh, MDC, ki dkhot ka VO wa kiwi de kiwa chah khut sñiawbha.
Neiliang ka dkhot ka VO da kyrsu kyntu ki ya ki khon ki kti wow bood luti ki yei leh wa bha yong ki ha ka pateiñ yong ki wym hoi u kynran dien. Da sneiñ kyntu leh wow khreh chitom ha kiwon kiwon ki jait kaam wa kwah ki u leh, wa nei kreh chitom u soh u wa thiang daw yoh ki u khait.
Da khana leh wa ar snem nachwa da yaleh ki wow kyntu kynrong ya ka chnong ka thaw hanla da maad ki yei eh wa boon jait tangwa deiwa kreh chitom kam ka seiñ wa deiwa ya krehlang khlem em i adnood, i bichni, i im bait chisur donhi da poi ki chei jop. Kamtæ da yooluti wow nang ku chooh chooh ka VO ki deilang wa i kyrkhu u Blai.
Neiliang u kongsan da kitbok kitrwiang u ya ka Seiñtyllilang Village Organisation wow nang khlan chooh chooh ko wei wow nang krai ko sam cha khmat.
