Shillong: U Chairman State Planning Board uwa man leh u MLA/MDC ka Nongkrem Constituency, u Lambor Malngiang, ynnin da booh mooyurim u yow chna ya u sarok ha Madanryting, Shillong hei emlang u Chief Engineer (NH) PWD (Roads), u B P Marak, ki sahep ka PWD Roads deilang waki dkhot ka Dorbar Shnong Madanrting.
Katkam wa pyntip u Chief Engineer (NH), uni u sarok wa jrong 571 Meter u chna nadooh ka Community Hall Mawblei hadooh u sarok PWD ha Block C Madanryting hei dor wa T. 3.83 Klur.
Hawa e yei klam, u Malngiang da ong u wa iwa em ya u sarok wa biang toh iwa emkaam wow wanrah ya i roi i paar hapoh ka jylla, kamtæ ka sorkar jylla da yaleh kow wow pynbha pynmiat yaki sarok wa em hapoh ki chnong ki thaw ka jylla.
Da ong u wa manda dep chna ya uni u sarok daw yarap ko wow pynku ya i khih i khan kiwa em ha kani ka thaaiñ. Da kyntu u yaki paidbah wow krehlang waka PWD yow ye u pyndep ya uni u sarok hei por wa da booh.
