U Chief Electoral Officer ka Election Commission of India da pynche u heiyatoh wa ka chithi wa da pynmih da ka yung krehkam yong oo kawa da booh yaka 16-04-24 kam ka sngi pynman yaka Lok Sabha Election 2024.
Da pyntip u wa ini man ko du kam wow booh por donhi yow em da ka thong yow pyndep ya kiwa boon ki kaam wa hap pyndep da ka ECI wei deiwa booh da kam kani ka tarik daw lai ryntih i rukom kreh khlem da pynslem.
Da ong leh wa ini i pynkhreh Election toh kawa ha ki jar jiar ki District kamtæ ki District Election Officer neitæ ki Returning Officer emkaam wow sñiawthooh ki yei emkaam wow pyndep yei kaam heipor wa booh kamtæ da pynmih yaka 16-04-24 kam ka tarik wow pynman Election kawa du kam i mutdur donhi yow ye u pyndep smat yei pynkhreh Election yong ka Lok Sabha 2024.
Kamtæ da ong wa ka tarik wa tikna daw pynbna da ka ECI ha i por wa toh u pynbna.
Ha kani ka Election MP da em palat 96 klur ngut ki bru wow thap Vote heiwa na kini, 47 klur toh ki kynthai wa palat 1.73 klur toh kiwa 18 hadooh 19 snem i rta.
Ki thaw thap Vote namo ki Polling Booth da em ki palat 12 lak tylli wa em ha kylleiñ ka India.
Discussion about this post