Booh thong ka KJNU wow kam noh ya waroh ki thaw wa da dooh ka jylla Meghalaya

Jowai: Ka seiñ Khasi Jaiñtia National Union (KJNU) Seiñbei ynne ka 15 tarik da pynman ko ya ka yalang wow phyllu yumut hajrong ki phang waphær waphær yong ka kiwa da dawa ko na ka sorkar yow krehkaam pynsmat noh wei toh wow pynbiang noh ya u pood u ang ka jylla wa ka Assam.

U President ka seiñ da pyntip u wa nadooh i por wa synchaar ka sorkar pharæng ka Meghalaya da dooh ko chiboon i thaw yong ka kam ka Jatinga Valley kawa em i heh hadooh 1008 Sq. Mile, ka Brahmaputra Valley wa heh 372 Sq. Mile, ka Jaiñtiapur wa em hadooh 650 Sq. Mile, South Barak wa em hadooh 1850 Sq. Mile, North Plain hadooh 860 Sq. Mile wa ka Block I-Block II hadooh 1743 Sq. Meter.

Kamtæ u President da kylli ki wa kammon u leh yow yoh biang ya kini ki thaw?

Chooh chooh da ong u wa ka sorkar jylla toh u wanrah ko ya kani ka phang hapoh ka Assembly yow lait u mih chooh ki kynaad hadien ha bood.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Ha kani ka sngi leh da pynskem leh ya kiwa kitkaam ka Executive Body nadooh u President ki dkhot ka EC wa kiwi kiwi.

Ka seiñ leh da ong ko wa ka da chem ko boon i eh i khoo hei krehkaam yong ka neidaw wa em ki dkhot ki wym ye u kreh neibynta ki kup chiliang sem chiliang kiwa da thmu du yei bynta wow yoh myntoi samen donhi kiwa da thmu leh u tympiah tympra ya ka seiñ.