Ka Department of Food, Civil Supplies and Consumer Affairs ka sorkar Meghalaya ynne da sdang ko ya ka ‘Food Security Campaign’ wow pyntikna wa ki manyung wa duna dooh hei yoh i laa u yoh marbaam ki hei dur u khoo kamwa toh hok u yoh ki.
Ha uni u snem hapoh i yahkhmat u Montri ka chnat, u Comingone Ymbon chirup wa ki sahep da thooh laad ki wow chakri pura ya ki paidbah khnang wow kynjoh cha ka thong ka Sustainable Development Goal 2 hajrong ka phang ‘Zero Hunger’ namo wym em de kiwa thngan.
Ka chnat daw pynemkaam ko ya ki Social Media wa kiwi kiwi ki laad wow e Wyrta yow thap ya ki manyung hapoh ka National Food Security Act (NFSA) 2013.
Ka thong yong kani ka Campaign toh wow pyntikna wow yoh marbaam (Food Security) kawa man leh ka hok manbru khnang wow kynjoh ya ka ‘Zero Hunger’ namo wow yoh baam waroh kiwa duna bha i yoh i laa katkam ka One Nation One Ration Card Scheme (ONORC) kawa man kawi na ki kyndon ka National Food Security Act.
Ka Campaign booh thong ko leh wow thap pyrtuid namo Register khnang wow yoh myntoi deiwa pynchlur ya ki paidbah wow pynyabi ki ya ki Aadhaar Card yong ki chirup wa u Mobile Number waka Card Rachon ki. Deiwa leh kamni daw ye u pynmyntoi ya kiwa boon na kani ka chnat.
Kani ka Campaign daw pyntip paidbah ko ya ka rukom ujor namo ka Redressal System deiwa Phone ha u Tollfree Helpline 1967, i pynemkaam yaka Electronic Point of Sale (ePoS) wa kiwi kiwa pynemkaam ka chnat.
Chooh chooh ka Campaign daw kdaw ko leh ya ki myntoi na ki Scheme kiwa man kamni hawah:
Antyodaya Anna Yojna (AAY) hapoh ka NFSA 2013
Priority Households hapoh ka NFSA 2013
One Nation One Ration Card (ONORC)
Aadhaar Seeding namo i thap pyrtuid hapoh ka Aadhaar
Daw yarap leh kammon u myntoi deiwa yarap wow pyndap Card Rachon, kammon wow pynchlur ya ki paidbah wow ujor namo wow leh ya ka Consumer Complaint deiwa Phone ha u No. 1947 wow tip ya ka ePoS Transaction wa kiwi kiwi.
Discussion about this post