Booh thong ka sorkar wow thung 1.5 million tylli ki dieñ

Shillong: Ka Meghalaya One Citizen One Tree Campaign namo ka thong krehkaam wa uwi u bru uwi u dieñ toh kawa da sdang da ka sorkar jylla ka wow sdang ha ka World Environment Day. Waroh ki Districts hapoh ka jylla heiwa daw thung ya ki tre dieñ kiwa man na ki thaw wa mih hi ki (Indigenous plants) wei ya kini ki tre dieñ daw e cha waroh kiwa chong chnong ka jylla.

Da pynman ya kiwa boon ki yalang hajrong kani ka Campaign heiwa daw thung 1 million tylli ki dieñ ha ki 306 tylli ki Spring Sheds ha kylleiñ ka jylla da ka Soil & Water Conservation Department hapoh ka Rejuvenation and Climate Proofing of Spring-sheds for Livelihood, Water and Food Security in Meghalaya ya kawa da e poisa da ka Ministry of Environment Forest & Climate Change, GOI hapoh ka National Adaptation Fund for Climate Change lyngba ka NABARD kawa pynkrehkaam ya kani ka Campaign.

Waroh 46 tylli ki C&RD Block daw embynta ki ha kani ka campaign heiwa daw em 10 tylli ki chnong hapoh ka wi ka Block wei kawi ka chnong u yoh ko 1000 tylli ki tre dieñ wei ini waroh daw man i 4,60,000 tylli waroh.

Kiwi ki thaw wa da kheiñ kongsan ha kani ka Campaign toh ki rood ka wah Umiew kawa pyndap um ya ka Greater Shillong Water Supply wa ka wah Ganol kawa pyndap um ya ka Greater Tura Water Supply. Ka Campaign daw pynkrehkaam ko ya ki 20 tylli ki chnong najan kini ki wah, wei daw em leh 20 ngut ki bru na ka wi ka chnong hapoh Shillong wa Tura daw lai ki cha rood kini ki ar wah ha ka World Environment Day wow chimbynta ha i thung ya ki tre dieñ.

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kani ka Campaign daw embynta leh ki skur, ki Eco-club heiwa daw thung ya ki tre dieñ haa ki 100 skur ha kawi ka District.

Da sdang leh ya ka Social Media Campaign hajrong ka Meghalaya One Citizen One Tree heiwa ki bru samen ye ki wow thap pyrtuid wow embynta u thung 1.5 million ki dieñ deiwa pyndap ya ka Registration Form kiwa da booh ha ki Social Media. Hadien wa thap pyrtuid daw e ya ki ya ki symbe/tre dieñ ha ki District wa Block level. Da pyrkhat leh wow pynkup burom ya ki bru kiwa thung ya ki dieñ kiwa im palat 2 snem.