U Symbood Montri Rangbah uwa pait ya ki Kaam Pohyung, u Prestone Tynsong da ong u wa boonsien ka kynrum kynram mih i hapyrdi ki BSF wa ki paidbah toh neidaw wym sñiawthooh ktien.
Da ong u wa neiliang ka sorkar yow lait noh na ini wa jia da rai ko wow thung noh ya ka Coordination Committee wow khlieh da ki Sub-Divisional Officer.
Da khana u leh wa ha ka yalang da khutlang ya u IG ka BSF, u DGP ka jylla wa ki heh sorkar wei da pyntip wa ya ka kynrum kynram da dep wow pynbait ynnin ka sngi ha Amlarem, wei ya kattæ ka sorkar ym tuklar de ko.
Hawa yatoh waka Coordination Committee, da ong u wa kani ka Committee daw yaklam leh hajrong ki kaam khayi tooh ha khappood wei i yoh psiah ki bru na Bangladesh wei wow pait leh yei dap i biang ka yaaw khappood.
Discussion about this post