Jowai: Ka seiñ All Meghalaya People Organization (AMPO) da pynsñiaw ko yei sñiawkhia yei roi ki baar jylla kiwa wan kamai kajih hapoh ki chnong ki thaw ka ri-loom Jaiñtia kiwa ym em biang ki kot ki sla wa biang.
Ka seiñ da ong ko wa jooh chem ko ya ini khamtam ya kitu wa wan psiah cha yung bru wow tyrwa dai tiar chapoh chnong poh thaw ki wym em ki kot ki sla kiwa biang wei ini i wan ki kamni chapoh ki chnong ki thaw daw booh ko yei ma yaka jaitbru yong i kawa em chitroh donhi.
Ka seiñ da e nongmuna ko leh ya iwa jia ya kawi ka bru ha Smit kawa da chah pynmynsoo ha kam kini ki bru wa wan tyrwa tiar cha yung bru haki snem wada dep.
Ka seiñ da kyrpaad ko yaki dorbar chnong waphær waphær hapoh ri-loom Jaiñtia wow man ki kiwa husiar ya kini ki baar jylla kiwa wan dai tiar chapoh ka chnong ka thaw kiwa da leh khlem da yohbor naka chnong ka thaw wei kamjooh kiwa ym biang ki kot ki sla, pynkut ka kyrwoh na u H. Phawa u President ka seiñ.
Discussion about this post