Hadooh i janmiet ka 21 tarik ha ka jylla Mizoram katkam wa pyntip ka laad pathai khubor sorkar, ki bru chipai da em ki 38.74% na kiwa dang em COVID-19, kiwa yah Truck da em ki 28.63%, ki bru paidbah 31.58% wa 1.05% ki wakreh ha khmat dooh namo ki Frontline Worker kiwa yakhun ya kani ka khlam.
Ki chnat chipai wa boon dooh kiwa da dep yoh toh ka BSF 231 ngut heiwa kiwa chait da em ki 94 ngut wa 137 ngut kiwa dang chah ktah. Ki Assam Rifles da em ki 101 ngut kiwa yoh heiwa da chait 58 ngut wei kiwa dang em ya uni u khñiang toh 43 ngut. Ki bru ka NDRF kiwa yoh da em ki 32 ngut kiwa da chait lut ki waroh. Ki CRPF da em 4 ngut kiwa yoh heiwa da chait 3 ngut wei dang chah ktah uwi. Ki chipai ka Indian Army wa ki CIJWS da em ki 4 ngut heiwa da chait 1 wei kiwa dang em ya uni u khñiang da em ki 3 ngut.
Kiwa yah truck da em ki 136 ngut heiwa ym pu em wa chait.
Ki bru paidbah da em ki 381 ngut kiwa yoh heiwa da chait 231 ngut katwa kiwa dang em ya uni u khñiang da em ki 150 ngut.
Na ki wakreh Frontline Worker, da em 6 ngut kiwa yoh heiwa da chait 1 wa 5 ngut kiwa dang chah ktah.
Hadooh ynne i step ka 22 tarik won, kiwa dang yoh COVID-19 da em ki 8 ngut kiwa na Aizawl District 5 ngut, Kolasib District 2 ngut wa na Sechhip District 1.
Waroh kiwa da dep yoh COVID-19 da em ki 903 ngut, kiwa chait 420 ngut, kiwa dang em ya uni u khñiang da em ki 483 ngut wa 2 ngut kiwa yap.
