Shillong: Kiwa synchaar chnong yong ki 4 tylli ki chnong wa kynthup ya ka Mawphu, Thieddieng, Umblai, Nongsteng da pdiang ki ya ka Mawphu Hydro Electric Project (MHEP) Stage II (85 MW) wow pynkreh da ka NEEPCO wei da kyntait ki yeiwa mih khubor wa boon kiwa pyrchah ya kani ka project, neibhah man ko kawa yah bakla wei kiwa pyrchah em ki kajiak ngut donhi.
Hawa klam wa kiwa pathai khubor ynne, u James Neng, u Jlen Sohtun, u Letdot Maibiam u Sordar chnong ka Nongsteng, u Kynphamlang Kharsam kam u Rangbah Shnong ka Mawphu wa u Mathias Syiemlieh Rangbah Shnong ka Thieddieng da pynsñiaw ki yei diaw mynsien wa khroo hadien wa mih ka khubor wa yah bakla ya ki paidbah.
U Chairman ka Joint Action Committee Ki Nongsynshar Shnong u James Neng da ong u wa emkaam wow pynche cha ki paidbah wow tip ki nadooh ynne neibhah wa ki paidbah ki chnong wa haap ha ka project ka NEEPCO pdiang sñiawbha ki ya ka project wei kamwa jooh man hi ha kiwi ki kaam em bait ki kattu katni ki wa pyrchah.
Da ong u leh wa kiwa wan pyrchah ya ka pynsñiaw paidbah ka Meghalaya State Control Pollution Board wa pynman ha ka 9 tarik uni u bnai ha Daingthlen, toh hi ki tre chnong tangwa ympu ye u ong wa lada daw chah ktah ki thaw yong ki wei ka sorkar ympu em u wan sorjamin ko ya ki thaw yong ki.
Katkam i pynkhreh ka NEEPCO, ka chnong Thieddieng daw chah ktah kamwa 93 Hectare.
Da ong u wa i kam yong ki kattu katni wa ka um daw tymmoh ko ya ka chnong Thieddieng toh iwa bakla neibhah wa ka dam wow chna toh du wow pyntooid ya ka um.
Em kiwa kam wa da sdang tih tunnel, katwa hei sakhiat kani ka kreh ympu em hi u sdang ko.
Also Read: Tih thlu ka NEEPCO khlem tip ki tre thaw
Discussion about this post