Boon ki dukan wa khang ha Ladrymbai chwa wow kynreh kot ka HYC ya ki

Shillong: Ka HYC Jaiñtia Hills District hapoh i yahkhmat u President yong ka, u Mewat Suchiang wa u General Secretary u Roaming Lamare ynne da hiar kynreh Trading License ki ha Ladrymbai.

Chwa wow sdang kynreh da em boon tylli ki dukan wa khang khyrdep ya ki dukan wei ka seiñ da suba ko wa yoosar da em kiwa da khana chwa ya ki neibhah wa da pyntip chwa ko ya ki bor ka JHADC wa ki Waheh Chnong chwa wow kynreh License.

Ka seiñ da chem ko kamwa palat 800 tam tylli ki dukan kiwa khang chwa wei da phylla wa ki dukan wa em wa em License em ki kamwa 518 tylli.

Ha kani ka sngi da wan takit da ki bru ka Police Department wa ki bru chnong heipor wa kynreh kot wei hadien wa yaklam da chah ya ka seiñ wow pteiñ ko yeini i kaam.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha kani ka sngi da chem kamwa 300 tam ki dkhar kiwa khlem pynthymme ya ki licence, kamwa 200 tam ki wym em License wei ka seiñ da khang noh ko ya ki.

Ka seiñ da kyntu ko ya ka Trade Department ka JHADC wow chimkhia wei wow phah ya ki Enforcement man ka por wow sylli ya ki Trading License wa ki Labour License.

Da kyntu leh ya ki Dorbar Chong waroh wow sñiawbha wym chah ya ki dkhar wow khayi næ mylla lada ym em License ki da kiwa biang.