Boon ki khynroo rem ki wow seiñ khih neidaw wa suk ki baar jylla u yoh Trading License: FKJGP

Ka Federation of Khasi Jaiñtia and Garo People (FKJGP) da e ko yei kyrchaan yei rai yong ka Khasi Hills Autonomous District Council (KHADC) wow kynset ya ki kyndon pynrkhiñ mynder ha ki aiñ wa da em chwa yong ka Council.

Neiliang ka FKJGP hapoh i yahkhmat u President, u Dundee C Khongsit da lai ki wow yachem ya ka Executive Committee wa thymme ha KHADC, deiwa thooh pynche chooh chooh hajrong katai ka rai.

U Dundee da ong u wa ya iwon iwon i thmu wow wanrah ya ki aiñ wow yada ya ka jaitbru, ka seiñ ka sñiaw ko wa toh u e kyrchaan, wei pynsñiaw ko wa ka seiñ ka chimkhia ko ya ini neibhah i maa da yang chwa lada kam ka jaitbru chah rem noh ko hei synchaar khadar, wei heijooh i por da pynsñiaw yei sñiawkhia wa ki bru kiwa dang wan hi-eh du kajiak sngi da yoh ki wow pynpsiah pyrtuid hapoh ki Electoral Roll.

Da ong chooh wa i maa da yang ko leh ya ka jaitbru lada chah rem noh ha ka khayi pateiñ wei ka yoh ka kot, wei ka seiñ da klam che ko cha u CEM ka KHADC wa ymtoh dei wow e Trading License thymme cha kiwi won ki jaitbru.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Uni uwa yahkhmat ka FKJGP da khana u leh wa da kyntu ya ka Council katkam i bor wa em yow phah ya ki waheh chnong wow pynmih ya ki kyndon aiñ kiwa khlan yow yada ya ki khynroo khyllood nei drugs wei wow yada leh yei yoh psiah khiah kiwi ki jaitbru ha ki chnong ki thaw.