Boon ki kreh wa dang wiarsap hapoh West Jaiñtia Hills: HITO-Jowai Circle

Ka Hynniewtrep Integrated Territorial Organisation (HITO) Jowai Circle ynnin da e dorkhat ko ha u Deputy Commissioner ka West Jaiñtia Hills District wow kyrpaad u pynmih ya ki kreh wa lait katkam ki Department hapoh ka District.

Ka seiñ da ong ko wa katkam wa pynche u DC wa hadien ka yalang wa ki sahep ki chnat wa boon, da chem wa em 255 tylli ki kreh wa lait tangwa katkam ki jubab RTI wa da yoh ka seiñ ha ki snem wa dadep da chem wa phær i bak la bak.

Chooh chooh da kubur wa yaphær ka Meghalaya Public Service Commission (MPSC) wa ka District Selection Committee (DSC), tangwa dang em chiboon ki kreh wa dang lait kiwa wiarsap.

Ka seiñ da ong ko leh wa ngait skem ko wow man iwa thij wei iwa khooid heiyatoh wa ki kreh sorkar wa lait khnang wa ki khynroo u ye ki u chim ya ka rai wa paka hawa yaleh kreh ki. 

Related posts

Phah ka Dr. Ampareen ya ki kyntien sñiawlem cha ka manyung wa jia ha MCH Hospital

June 5, 2025

Ngait u payu ka Sonam wa dang im hi ko deiwa kyntu wym toh wow thooh yei metyap ko

June 5, 2025

Hajrong kini kiyi waroh ka seiñ da kyntu ko ya u DC wow pynbna ya ki kreh wa lait katkam ki chnat sorkar wa em ha ka District wei ini daw ye i wow wanrah yei khooid wei ki paidbah leh u chaniah wei u sñiawthooh ki katwon sakhiat ki kreh wa lait. 

Ka seiñ da pynkut ko deiwa ong wa ini ymtoh i thmu wow pynyoobor wa ka yung krehkaam u DC tangwa i krehlang chirup wow wanrah yei khooid ha i kaam thung kreh.