Ka seiñ HANM Narpuh Circle da pynsñiaw ko yei chem chitom hawa lai luti lyngba na Khliehriat kawa man ka sor nongbah ka East Jaiñtia Hills District wei i daw wa sahkut kari toh wa duna palat ki pulit wa pynlai kari namo ki Traffic Police.
Ka seiñ da ong ko leh wa ha ka thaaiñ Khliehriat i rukom pynyieñ kari leh toh kat cha wa yoh lada da ki kari kamai lane ki kari ki bru samen ki wym em burom ya ki kyndon pynlai kari.
Ka seiñ da pynbaad ko wa ini waroh toh neidaw wym chimkhia ki bor yong ka aiñ wow pyndooh yei sahkut kari ha Ladrymbai leh.
Kamtæ neiliang ka seiñ da kyntu joor ko wow pynboon ya ki pulit ym du ha ki khyrdop khrong dan ha tymbud u sarokbah tangwa toh u booh pulit leh ha man ki sarok wa em ha laad ha khapsor khnang wow lait nei yah kari kulmar lane i sahkut kari hapoh kani ka thaaiñ neibhah da yoosarom wa lada ki pulit ha ki ha ki khrydop khrong poisa em ki tangwa kiwa pynlai kari won ym em.
