Boon kiwa kwah u yaleh ya ka Civil Service Exam, mih i sur ha ka e sikai Career Guidance and Student Motivation

Amlarem: Ka e sikai wa chi sngi ya ki khynroo khyllood wa dang puræ yow tip ki jied ya ka luti puræ kawa cha khmat kawa tip kam ka Career Guidance and Student Motivation under the theme “Mission: Inspire” da pynman ya ka da ka yungkrehkaam ka SDO (C), Amlarem hapooh ka “Chief Minister’s Youth Development Scheme” hei ya krehlang waka War Jaiñtia Youth Council ha Nongtalang College ynne ka sngi.

Kani ka esikai toh wow pyntip cha kiwa lai puræ ya ki laad puræ wa ye ki u jied kawa yatoh wa ki yow lait ki u jied da kawa bakla ka wym yatoh wa ki. Iwi tawon i thmu kani ka e sikai tow wow pynman ya kiwa dang puræ kiwa chlur deiwa e mynsien ya ki wow chimbynta ki ha i klaam paidbah kamjooh wow krehlang wa kiwi.

Da wan chimbynta chongchit da kiwa puræ ym du naka Nongtalang College kamjooh leh kiwa da dep ya ka Graduation na ki thaiñ ka War Jaiñtia kiwa kwah u tip ya ki jait kreh wa ye ki u yaleh wei boon toh kiwa thrang wow yaleh ya ka Exam Civil Service kawa da klam bha ha kani ka sngi.

Kiwa wan e sikai ha kani ka sngi toh u R. Muthu, IPS, SP, West Jaiñtia Hills, ka Isawanda Laloo, IAS, ADC i/c, Amlarem Sub-Division, ka J.U. Kharpuri, MCS, EAC, Amlarem wa u J. Mairom, MPS, SDPO, Amlarem.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Kini ki sahep da klam ki yei man kordor ka puræ puthi kamjooh i sap yong kiwa thooh kreh, i kreh chitom wow pynkhreh ya ki exam wa boon jait. Hei yatoh wa ini da e ya ki buit wa boon jait kammon u leh yow ye u lehbha ha kini ki exam wei da khana ki leh wa ki kammon leh ki hadooh wa poi ki cha ka thong yong ki.

Kiwa emlang ha kani ka sngi da chimbynta chongchit ki wei da kylli ki leh ya kiwa boon ki phang yow ye ki leh wow poi cha ka thong yong ki.