Boon na ki karkhana pynmih khyndaw-bilat ym em ki ya ki Mining Lease wa biang: JSU

Jowai: Ka Jaiñtia Student Union (JSU) hapoh i yahkhmat u President yong ka, u Lawyerson War da sñiawkhia ki yei krehkaam ki karkhana pynmih khyndaw-bilat ha East Jaiñtia Hills heiwa boon toh kiwa leh palat yaka aiñ. Da ong wa kiwa boon na kini ki karkhana wa kiwi ki karkhana wa khian yong ki, ym em ki ya ki Mining Lease wa biang yow tih moochuni yow pynmih Clinker.

Yow chemdien chaphang ki Mining Lease wa da e cha waroh ki Cement Plant ha East Jaiñtia Hills District, da dep yaleh ko daka RTI (Right to Information) haka yung krehkaam u Director of Mineral Resource, Shillong, Meghalaya. Ka JSU daw lai ko leh cha ka NGT yow phah pynchitom ya ki karkhana kiwa tih moochuni pyrchah yaka aiñ lane kiwa thied moochuni na kiwa tih moochuni pyrchah yaka aiñ kiwa ym em Mining Lease, Environment Clearance wa kiwi ki yohbor na ki Pollution Board.

U President ka Student Union u Lawyerson War haka 16-09-19 da dep u wow yaleh PIL dei thmu wow khang yei e ya ki “Incidental Challan” da ka chnat Forest wei wow kheiñ noh ya kini ki jait Challan kam kiwa man pyrchah yaka aiñ kiwa e laad yei challan tooh ya u mooyong wei ya ini ym em ong haka Meghalaya Minor Minerals Concession Rules, 2016. Chooh chooh da ong wa i tih pyrchah yaka aiñ dang pteiñ i ha East wa West Jaiñtia Hills District, kamtæ da kyrpaad ya ki bor wa toh u pait wow khang syndon yeini i tih pyrchah yaka aiñ yaki mar poh khyndaw wa tip kam ki Minor Minerals wei wow pynchitom ya kiwa leh ya ini deiwa phah leh ya ki wow pynbha pynim biang ya ki thaw wa tih ki katkam ka Rule 36 ka MMMCR, 2016 waka Section 21(2)(4)(4a) ka MMDR ACT,1957.

Ka seiñ da ong ko wa sñiawkhia bha ko ya i ktah ka rymaw na ini i tih wa man pyrchah yaka aiñ iwa da wanrah leh yei dooh nong wa joor yaka jylla.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka JSU da e khublei ko leh yaka NGT Panel kawa da phah pynchitom ya ki karkhana wa leh pyrchah yaka aiñ kiwa pynemkaam ya u mooyong wa tih pyrchah yaka aiñ wei kamjooh yaka Meghalaya Lokayukta kawa phah takit daka CBI heiytoh wa i challan ya u mooyong, moochuni wa kiwi kiwi lyngba ki luti ki syngkieñ ha East wa West Jaiñtia Hills District.