Ha kani ka juk Social Media, waroh nadooh ki khynnah hadooh waheh da chah ktah ki hei chna Reel næ ki Video tbian wei em kiwa yoh yei bha katwa em won kiwa yei sih.
Ha ki sngi wa dadep da poor bha iwi i Video ha Social Media yong u Pizza Delivery Boy heiwa kawi ka kynthai kawa man ka para Class u da beiñ ko oo.
Da ong ko ha i Video wa nachwa uni u bru jooh pynchlur u ki wow kreh kot wei wow minot kat u yoo da man u katni kam u Delivery Boy ka Dominos donhi.
Hadien wa poor ini i Video da chah beiñ joor kani ka kynthai wa yoobeiñ ko ya uni u chynrang heiwa da em kiwa ong wa uni u bru tangwa bien u wow kreh dahoi katwa da em won leh kiwa da yaroh ya oo wa khih chitom u.
Mar wa mih boon ki bru wa beiñ ya ka wei em kiwa yaroh ya oo, kini ki chi lok da pynmih won ki sa iwi i Video wow pynche deiwa ong wa itai i Video warim toh iwa chna kyndeh donhi ki wei ki waroh toh kiwa ya tipmit wei stat bha u lok ki wow ak.
Discussion about this post