Kiwa thaaiñ that (Handloom Weavers) ka East Jaiñtia Hills District da lai yah ki cha Sualkuchi, Assam iwa da leh da ka Lad Rymbai Handloom Weavers Society deiwa kyrchaan ki bor District ka East Jaintia Hills kam chibynta ka Chief Minister’s Youth Development Scheme (CMYDS) yow yoh ki wow yoo wei wow tip leh ya ki buit thymme wa ki jait that wa pynmih na u kse ryndia (Silk Products).
Kiwa thaaiñ that ka District da sah ki chi miet ha Binodini Resort, Sualkuchi, Assam wei da yoh ki leh u lai cha ka Indian Institute of Handloom Technology (IIHT), Guwahati heiwa da yoh ki wow yoo ki myntoi wa yoh kiwa thaaiñ that, i yarap na ki Scheme sorkar kamjooh ki tiar ki tar wa da pynemkaam.
Da yoh ki leh wow yoo nadooh i rukom taan kse ryndia, i rukom wieh rong wei da lai ki leh cha ki karkhana wa thaaiñ that.
Ya kini kiwa thaaiñ that da lai yah da u Asif Abdul, uwa man leh kam uwa pyntipmit nyngkong cha ki ya ki kor thaaiñ that wa boon jait wei ha Assam da yoh ki leh wow pyrchang ya ki jait kor wa thymme ki wym pu jooh em yoh ki.
Discussion about this post