Cha Delhi booddien u Conrad yei chna ya ki sarokbah hapoh ka jylla

New Delhi: U Montri Rangbah ka jylla, u Conrad K. Sangma ynne da yachem u ya u montri ka sorkar pyrdi wa pait ya ka tnat Transport, u Nitin Gadkari chirup wa u symbood montri rangbah ka jylla uwa pait leh ya ka tnat PWD, u Prestone Tynsong wow yaklam hajrong ki project kiwa dang pynkreh hapoh kani ka jylla.

Ha kani ka yachem da em leh ki sahep na ka NHIDCL wa NHAI heiwa da yaklam wow pyndep ya ki sarok hapoh ka jylla wei wow pyndep smat ya ki katwa ye wei ka sorkar pyrdi leh da kular ko wow e yarap katwa ye cha ka sorkar jylla.

Heijooh i por ha New Delhi, u Conrad wa u Prestone da yaklam ki hajrong ki sarok wa kynthup ya ka Tura – Dalu Road, Baghmara – Moheskola – Ranikor Road, NH-62 wa ka Shillong – Dawki Road.

“Da yaklam i leh hajrong ki sarokbah wei wow pynkylla noh ya ki yingkieñ dieñ cha ki yingkieñ khyndaw-bilat wei kani ka yalang da man ko kawa miat neibhah wa u montri ka sorkar pyrdi da kular u wow booddien ya kini waroh,” da ong u Conrad.

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

Da pyntip u leh wa daw pynman ya ka yalang yong ki heh ka Ministry of Transport wa ki heh yong ka sorkar jylla ha Shillong ha ka 25 wa 26 tarik uni u bnai.