Ka chnong Milan, Italy ini wa dep da pynman ko ya ka 17th North East India Festival heiwa da em 8 ngut kiwa chna riam na ki 8 tylli ki jylla ka North East kiwa da lai wow pynyoo rong ya ki that ki nep wa ki riam ki bait yong kini ki jylla.
Na ka jylla Meghalaya da mihkhmat da u Daniel Syiem uwa man kam uwa sdang ya ka Daniel Syiem’s Ethnic Fashion House (DSEFH) heiwa ya ki riam yong oo da e pyrtuid ki kam ki ‘The Orchid’s Tale,’ wei kini ki riam toh kiwa da pynwandur dei rukom riam ki Khasi, Jaiñtia wa Garo deiwa khlehlang wa i rukom ka juk wa katni.
U Daniel da yoh u yei thap kti na kiwa boon yei sap yong oo wow pynneh ya ka dustir riti deiwa lai lang wa iwa ka-it ka pyrthai wa katni wei da pynyoo u leh ki riam kiwa da yoh mynsien nei rukom riam tynre.
Ya kani ka tamasa da pynman da ka Consulate General of India, Milan, Italy deilang waka North East Institute of Fashion Technology (NEIFT).
U Daniel Syiem toh uwa da lai pynoo rong ya ki riam yong oo cha kiwa boon ki ri kam cha England, USA, Thailand wa kiwi kiwi de.
Discussion about this post