Ka Dorbar Chnong Khliehriat West ha ka yalang wa da man ha ka 6 tarik uni u bnai da booh ko ya ki kyndon heiyatoh wa ka yalap Election MLA 2023.
Da rai wa ym chah ya kiwon kiwon kiwa wan yalap Election na kiwi ki chnong wow wan psiah yung ki hapoh u pood ka chnong.
U chah du ya ki tre chnong wow psiah yung wow lai yalap Election wei lada chem yeiwa saam poisa daw ujor cha ki bor ka aiñ.
Daw chah du ya u kyrtong wa 5 ngut kiwa kyrchaan kiwa na tre chnong wow synraan ya oo heipor wa psiah cha yung ki bru.
Ki bru na baar chnong kiwa wan tyrwa wow saam poisa hapoh u pood ka chnong- lada chem ka Dorbar Chnong daw ujor ko ya ki cha ki bor ka aiñ.
Ym chah u tem sur rwai Election wa kiwi ki sur rwai hapoh chnong hadien ka 11:00 waje i miet.
Da khang leh wow psiah yung bru hapoh ka chnong wow yalap Election hadien ka 11:00 waje i miet.
U chah wow pynman yalang yalap Election hapoh ka chnong deiwa pyntip chwa 3 sngi chwa ka tarik wow pynman yalang.
Daw chah du 15 tylli ki kari khian wow synraan ya u kyrtong hawa wan u cha i thaw wa man ka yalang yalap Election.
Ha ki yalang yalap Election kiwa pynman hapoh ka chnong daw chah du ya uwi u tre chnong wow klam hajrong ki kaam pynroi pynpaar ya ka chnong wa kiwa chong chnong.
Ym chah wow biah Poster/Banner kiwa yatoh wa ka Election 2023 hapoh u pood ka chnong khlem yohbor.
Kini ki kyndon kiwa da kdaw u krehkaam ki nadooh 4:00 waje i janmiet yong ka 9 tarik uni u bnai hadooh ka 4:00 i janmiet yong ka 27 tarik uni u bnai.
