Ka HYC da ujor ko cha ka Meghalaya Lokayukta pyrchah yei pynpoi da ki Tin ki wym em biang katkam ki kyndon da ka Directorate of Housing, Meghalaya kiwa toh u saam cha ki paidbah wa chah ktah ki yung ki sem ha u slap ka la’ær deiwa dawa leh wow pynmih hukum wow lai chim ki wei wow pynuiñ noh ya kini ki Tin wei wow sangeh leh wow saam ki.
Da dawa leh wow pynchitom ya u Director ka Directorate of Housing ka jylla Meghalaya wa kiwi de ki sahep sorkar wa emkti wow pynyoh da kini ki Tin kamjooh wow thung da u Nodal Officer yow pynman yei takit yow lai pait dei khmat hadooh katwon miat ki Tin kiwa da dep saam cha ki C&RD Block kiwa em ha Khasi wa Jaiñtia Hills.
Ha ka ujor da ong wa kini ki Aluminium Roofing Sheet toh kiwa wanrah na ka Hariana Iron Works Pvt. Ltd., Kolkata heiwa katkam ka Contract da ong wa toh u man ki kiwa chna da u AA3105H18 Alloy, kiwa jrong 8 Feet, kiwa kmai 800MM wei kiwa toh u rben 0.45MM tangwa kiwa pynpoi toh kiwa rben 0.25MM hadooh 0.28MM manda dep thaw ya ki iwa pynyoo wym em man ki katkam ka kyndon wa da booh hawa khut Tender.
Kamtæ ka seiñ da ong ko wa ini waroh da pynsepai ko ya ka poisa ki paidbah wei da toh u pynchitom ya waroh kiwa emkti.
Puræ leh: Phah takit u Montri yei poi da ki Tin Aluminium kiwa toh u saam paidbah
Discussion about this post