Deiwa e nongmuna yei joor i chah pyntngit ki thaw uiñke suwari khamtam da ki Plastic wa pynemkaam chisien dep te noh da ki bru wa wan cha kini ki thaw.
Neiliang u MLA ka Mawsynram u H.M. Shangpliang da kyntu u ya ka sorkar wow wanrah ya ki kyndon aiñ yow khang yei pyntngit pyntaroi ki bru ya ki thaw ki bhaw.
Hawa lai chimbynta ha ka Mountain Legislators Meet 2021 ha ka sngi wa le ka 10th Sustainable Mountain Development Summit ha Darjeeling kawa pynman da ka Integrated Mountain Initiative (IMI) wa Darjeeling Himalaya Initiative (DHI), Darjeeling Chapter hajrong kammon wow pynlang yei jhep Plastic ha ka thaaiñ Himalaya.
Neiliang ka Meghalaya da emlang u Lok Sabha MP, u Vincent Pala, ka Ampati MLA, ka Miani D. Shira deilang wa ki MLA na kiwi ki jylla ka thaaiñ loom Himalaya iwa nadooh Kashmir chadooh cha i.
U Shangpliang da pyntip u wa da soi leh ya ka rai yonglang yow kyntu ya ka sorkar India yow warah hapoh Parliament yow pyndooh yei pynemkaam ya ki Plastic wa pynemkaam du chisien donhi.
