U Montri Rangbah ka jylla, u Conrad Kongal Sangma da ong u wa daw lai yaklam noh u cha Delhi hajrong i kwah ka Hynniewtrep National Liberation Council (HNLC) wow poi noh cha ka miej wow yaklam yasuk wa ka sorkar India kamjooh wa ka sorkar jylla.
Da pyntip u wa ka sorkar mar sein yoo ha ki laad pathai khubor ya ini i thrang yong ka HNLC wow poi cha i yasuk, da chim ya ka luti wow thooh noh ya ki ksiang neibynta kani ka kaam, wei hadien wa ka sorkar da yoo ko ya ka chithi na ka HNLC, da sdang ki wow lai chakhmat wow yaklam noh leh wa ka sorkar India. Da pyntip u mynstep ka sngi daw lai cha Delhi heiwa daw yachem leh wa ki heh ka Ministry of Home Affairs wow pynbait ya i yaklam yasuk.
Hawa kylli, u Conrad da ong u wa ka sorkar da thung ya ka kynhun (Panel) wow man kam ki ksiang wei da jied leh yei pyrtuid yong ki kattu katni wei da kynjoh ktien cha ki lada bien ki wow man kam ki ksiang.
Da ong u wa ini i kaam ym chimpor ware i wei daw pynbna noh ya i pyrtuid ki bru kiwa daw man kam ki ksiang neibynta i yaklam yasuk.
Ka seiñ Hynniewtrep National Liberation Council, lyngba u Publicity Secretary uwa man leh heijooh i por u General Secretary, u Sainkupar Nongtraw ha ka tayaw wa da dep da pynsñiaw wa man ki kiwa smat wow wan noh cha ka miej wow yaklam yasuk wa ka sorkar India wei kamjooh wa ka sorkar jylla khlem da booh ya kiwon kiwon ki kyndon, heiwa da dawa leh wow thung noh ya u ksiang neibynta katai ka kaam.
