Ha kini ki sngi wa dadep da dat u slap wa joor ha kylleiñ ka jylla heiwa da thut lut i lai i wan ki bru du neidaw wa oor i khyndaw wa kamjooh leh ki sarok heiwa da sakhi wa boon ki bru wa lai wa wan da chah ktah ki nei oor wa i haap u sarok.
Ini i joor u slap da ktah i leh ya u thied-snaam ki jylla ka thaaiñ mihsngi kam ka Assam, Manipur, Mizoram wa ka Tripura heiwa u sarokbah NH06 da rong ka um oo ha i bynta ka Toll Plaza ka Lumshnong, EJH heiwa ymlait de wow lai ki kari wei ini da wanrah i yei sahkut ki spah tylli ki kari kamjooh leh da ktah i ya ki hajar ngut ki bru wa lai lyngba uni u sarokbah.
Heiyatoh wa ini, neiliang ka Dalmia Cement Bharat Ltd. Thangskai, East Jaiñtia Hills da chimkhia ko wow e yarap ya ki bru ha ini i sahkut kari ynne ka sngi deiwa e ya ki mar baam kam i ja, u dai wa ki jhoor wei kamjooh leh ka um cha ki palat 500 ngut ki bru ha ka thaaiñ Lumshnong.
Kiwa boon dooh kiwa yoh yarap kynthup ki ya kiwa yah truck wa kiwa synraan ya ki (Handyman) wa ki kattu katni ngut ki bru samen.
Neiliang u Abhijit Paul, wa u Khambor Rymbai kiwa man ki sahep ka chnat CSR yong kani ka Dalmia Cement Bharata Ltd. da khana ki wa da leh yeini da ka karkhana waroh kawi wei lada emkaam daw pyrkhat wow e yarap biang mynstep wa kamjooh leh ha ki sngi wow wan.
