Kiwa kreh ka BJP ha Manipur da pynyoo ki yei chrai deiwa lai leh pynsih yaka yung krehkaam ka Party wa em ha Senapati District ynne ka sngi.
Yeini da leh ki hadien wa rai ka BJP wow dam u pynyieñ kyrtong deiwa e kyrchaan ya u kyrtong ka Naga People’s Front (NPF) napoh ka Outer Manipur Constituency ha kani ka Lok Sabha Election 2024.
Katkam ka khubor wa da yoh, da ong wa kiwa boon kiwa kreh ka BJP da psiah yabor ki cha kani ka yung krehkaam wei da tympra ki ya iwa em hapoh. Ini i chrai kini kiwa kreh wan ko leh neidaw wa da em kiwa boon kiwa da paan Ticket wow yaleh MP na kani ka Constituency.
Da em leh kiwa ong wa u President ka Senapati District Party Unit da emlang u heini i por wa jia deilang wa kiwi de.
Kam wow pynkynmoo wa ynnin, ka BJP da pynbna ko wym pynyieñ kyrtong MP ha Manipur, Nagaland wa Meghalaya.
Neiliang u Montri Rangbah ka Manipur, u N Biren Singh leh da ong u wa deiwa bood yeiwa phah u National President ka Party, u J.P. Nadda, neiliang ka BJP u kyrchaan ko ya u kyrtong ka NPF kawa da ya krehlang hapoh ka sorkar jylla.
Ha u snem 2019 ka BJP da yaleh MP ko na Outer Manipur Seat tangwa da rem katwa ha ka Election MLA won da ya krehlang ko waka NPF yow chna sorkar.
Discussion about this post