Hadien wa da poor smat ka khubor wa wiar ka khynnah wa dang 14 snem na Umpling hei janmiet ka 12 tarik, neiliang kiwa chong chnong da mih paidbah ki wow thooh ya kani ka khynnah kawa tip pyrtuid kam ka Bajanai Khyllep wei neiliang ki pulit leh da pynsmat ki yei takit yow chem ya kani ka khynnah.
Deiwa takit ya ki bru wa tipmit wa ki lok kani ka khynnah, ki pulit dapoi ki wow takit leh ya kawi ka khynnah ha Mawlai Nongmali, wei da lai cha kani ka khynnah toh neidaw wa da tip wa kani ka khynnah na Mawlai Nongmali tipmit ko ya uwi u chynrang wa yatohlok wa ka khynnah wa wiar.
Ki pulit kamjooh ki paidbah wa chong chnong dang pynman ki yei thooh wa joor ya ka khynnah wa wiar khamtam hadien wa ha kini ki kajiak sngi da mih i jia wa sñiawsih ya ki khynnah ha East Khasi Hills wa Ri-Bhoi.
Kam wow pynkynmoo wa kani ka khynnah wa dang wiar da wiar ko hadien wa lai paikhana deiwa lai tong um na ka top Syntex, tangwa ym em poi yung ko wei da chem ya ka waje ko na kani ka thaw wa em ha rood sarok.
Discussion about this post