Jowai: Kam chibynta wow e sikai ya ki khynnah wa ki khynroo khyllood hei yatoh wa kammon u man kiwa lehkhooid, ka Dorbar Chnong Namdong-A chirup wa i yarap ki ar tylli ki Club ka chnong ka Namdong Christian Club Namdong-A wa ka Children & Youth Club Namdong-A, da yah ki ya ki spah ngut ki khynnah wa ki khynroo khyllood cha ka chnong Mawlynnong ha kani ka 23 tarik wa da dep.
Kani ka lai yahke man ko kam wow yoh buit wa kammon u pynman ya ka Namdong-A kawa khooid chooh chooh wei ha katai ka sngi ki khynnah wa ki khynroo da yoh ki u yoo dei khmat yeiwa kani ka chnong leh ko yow man ko kawa da pawnaam hei khooid i jngiar wei kiwa ye u bood leh ha ka chnong Namdong-A.
Neiliang ki waheh ka chnong wa emlang ha kani ka sngi da kyrmen ki wa ha kawi ka sngi ka Namdong-A leh daw poi ko cha ka kyrdan ka Mawlynnong lyngba i krehchitom ki khynnah wa ki khynroo khyllood kiwa nadooh katni leh da pyrchang ki u pynkhooid chnong man i por.
U Waheh Chnong u D. Lyngdoh da pyntip u leh wa ka Dorbar Chnong u leh ko katwa ye yow yarap wow thooh luti wow pynkylla dur ya ka chnong kamjooh wow kyrchaan ya ki khynnah khynroo khyllood kiwa da em chwa i thrang ha ki wow pynman ya ka chnong kawa khooid.
Also Read: E yaroh ka DC Namdong-A ya ki khynnah wa ki khynroo wa chimkhia ki wow pynkhooid ya ka chnong
Discussion about this post