Shillong: U montri wa pait ya ka chnat Disaster Management, u Kyrmen Shylla da pyntip u wa da em 181 tylli ki manyung wa 794 ngut ki bru kiwa da chah ktah na i wan ka Cyclone Fani ha ka 4 tarik uni u bnai.
Hawa yaklam ynne ka sngi wa u Kyrmen da pyntip u wa nalor ki manyung kiwa chah ktah da em du uwi uwa mynsoo malu mala na ini i wan ka Cyclone wei da pyntip u leh wa ka sorkar da phah ko ya ki bor District wow e noh ka yarap wa smat cha kitu kiwa chah ktah na ka poisa wa da mang lyngba ki Deputy Commissioner.
Chooh chooh da pyntip u wa ka West Garo Hills toh kawa da chah ktah dooh na ini wan ka Cyclone wei kamwa 62 tylli ki manyung da chah ktah ki wei bood won saka East Garo Hills waka East Jaiñtia Hills.
U montri da pyntip u leh wa ka sorkar ka dang yang chooh ko ya ka Report na waroh ki District ya kiwa chah ktah khamtam na ki thaw wa em rap cha kdong.
Discussion about this post