Jowai: Ka seiñ Jowai Amlarem Dawki Tourist Taxi Association lyngba u General Secretary yong ka da thoh ko cha u DC ka West Jaiñtia Hills wa cha ka SDO ka Amlarem Civil Sub-Division chaphang i khlem akor kiwa kamai kari na Jowai-Amlarem-Dawki.
Katkam ka chithi da ong wa ha ka 2 tarik uni u bnai ha ka yalang wa dadep pynman da chim ya ka rai wow pyllai ya ki kari da u laiñ heiwa ki kari toh u lai kawi hadien kawi nadooh ka 11 tarik uni u bnai neibhah i yaknieh passenger deiwa taan wa patah ya ki da man ko kamwa jrong kti ya ki wei kani ka rai da chim yow pynsuk ya kiwa chong kari kamai.
Tangwa em kiwa kamai ki wym em man dkhot kani ka seiñ kiwa ka seiñ da kam ko toh kiwa ym em biang ki kot ki sla wei em leh kiwa kamai da ki kari ki bru samen wei dang pteiñ hi ki wow patah Passenger ha khmat ka stand wa em ha Jowai iwa da wanrah yei yamai ya timsih waroh chi sngi.
Ha Jowai, ki dkhot ka seiñ kamai, lai ki da u laiñ nadooh 8 waje i step hadooh 4 waje i janmiet tangwa ha Amlarem won ym em wa lai da u laiñ wei ki kari da mih da psiah ki chibet cha khmat chibet cha dien wow thooh Passenger wei ya ki kari da pynyieñ ki ha ki thaw wym chah u booh kari.
Ka seiñ leh da pyntip ko waka sorkar ym nood ko u phah tang uwi u pulit wow kem ya kini ki kari wa leh kam ya kini ki kaam.
Discussion about this post