Ki seiñ wa na East Jaiñtia Hills District kam ka Jaiñtia Coal Miner and Dealer Association, East Jaiñtia Coal Supplier Association, Jaiñtia Amalgamated Redressal Forum, ki seiñbhalang kamjooh ka Synjuk Waheh Shnong East Jaiñtia da lai pynsñiaw ki yei pyrchah ha u Director General of Police (DGP) ka sorkar Meghalaya yei rai ka sorkar wow chah u wanrah ya u mooyong na Assam wa kiwi ki jylla wa em cha jan neibynta ki Cement Plant wa em ha East Jaiñtia Hills District.
Kiwa pyrchah da ong ki wa ini i rai ka sorkar da booh ko hei maa ya i mynsien ki bru kamjooh yei chait i khiah yong kiwa em ha East Jaiñtia Hills kamjooh yaka jylla waroh kawi neidaw wa em ka khlam COVID-19.
Da ong leh wa ka hukum wa pynmih daka sorkar da chah ko ya waroh ki Cement Plant wow pynlai yaki Truck yong ki hapoh ka jylla wa kamjooh cha baar jylla man ka sngi khlem sangeh wei ym emkaam ki u yoh bor na u Deputy Commissioner ka East Jaiñtia Hills.
Chooh chooh da ong leh wa ka Assam da man ko katni kawa da chah ktah bha ha u COVID-19 hapoh thaaiñ mihsngi wei na kini ki daw da pyrchah joor ya ini i rai ka sorkar wow wanrah mooyong na Assam wa na kiwi ki jylla.
Kini ki seiñ da tyrwa ki wa toh u dai lilam noh ya u mooyong wa 32MT uwa em hapoh ka jylla katkam ki kyndon wa booh daka Supreme Court neibhah ya uni u jooh u mooyong leh ye u dai cha ki Cement Plant.
Lada ka sorkar won u pteiñ ko yei thmu wow wanrah mooyong na baar, daw pynman kini ki seiñ daka yakhih paidbah.
Discussion about this post