Cha u DM&HO rai ka DC Ummulong u yachem hei yatoh wa ka CHC hapoh ka chnong

Jowai: Ka Executive Committee ka chnong Ummulong hapoh i yahkhmat u Waheh Chnong yong ka u S.S. Langi ynne ka sngi da lai psiah syndet ki cha ka Ummulong CHC neidaw wa boon wa ood ki padibah wa kani ka thaw sumaar ym em de pdiang ko ya kiwa kjut nadooh ka 27.07.17 hadooh ka 06.08.2017.

Hadien wa pynman ya ka takit da chem wa i daw toh neiliang u DM&HO, Jowai uwa ympu em phah Doctor salan u hei thaw ki Doctor wa dang lai Training katkam wa pyntip u Dr. Lamare uwa pait ya ka CHC.

Kamtæ da chitom bha ki wa kjut wei ka Executive Committee da chem ko leh wa kani ka CHC ym em biang ko ya ki Doctor wa ki Nurse katkam wa da booh ka Indian Public Health Standard (IPHS) wei daw lai yachem ko ya u DM&HO kamjooh wa ki bor wa hajrong hei yatoh wa ini. Da chem leh wa ym biang por i rukom wan ki wakreh ha kani ka thaw sumaar.

Da kyntu ya ki bor wa pait yeini wa ya ki dawai dachin wa ki tiar ki tar wa toh i hok wow em ha ini i thaw toh u pynbiang ya ki wei wow thung da kiwi ki nurse wa kiwi de kiwa kreh heipor wa chim chuti kha khon ki wei ymtoh u pynslem u leh ya ini.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da rai leh wow yachem wa u DM&HO ha kani ka 16 tarik wei da khut ya waroh ki dkhot wow emlang ki.

Kani toh katkam ka khubor na u SS Langi, Waheh Chnong, ka Ummulong.