Ka Indian Medical Association (IMA) ynne ka sngi da thoh ko cha u montri rangbahdooh ka ri, u Narendra Modi wow kyntu ya oo wow khang ya u Ramdev wow yah bahkla ya ki bru deiwa klam iwon iwon heiyatoh wa i tika deiwa kyntu leh wow pynchitom ya oo (Ramdev) katkam ki kyndon ka aiñ.
Chooh chooh ka IMA da ong ko wa man i iwa sñiawsih wow yoo ya i Video u Ramdev uwa da kam wa da em 10,000 ngut ki Doctor kiwa da yap wot hadien wa da chim ki pyn ar sien ya i tika wei da em da ki lak ngut ki paidbah kiwa da yap nei chim dawai Allopathic.
Chooh chooh da ong ko wa ka IMA da yaleh bha ko wow pynchlur ya i e tika ya kiwa da palat 18 snem kam ka laad wow yakhun ya kani ka khlam.
Da ong ko leh wa ki Doctor ha kylleiñ da kreh ki nawa sdang deiwa bood ya ki kyndon ka chnat i chait i khiah lyngba ka ICMR wei i kam ki bru wa i dawai Allopathic ym krekaam i da man i pyrchah ya kini ki kyndon wa ki chnat ka sorkar.
